Sot përkujtohen në mbarë botën miliona viktima të politikave të genocidit të Gjermanisë naziste që u kryen gjatë luftës së dytë botërore. Në atë periudhë u vranë rreth 6 milionë njerëz në përpjekje të nazistëve për të shfarosur hebrenjtë.
Sot shënohet dita e përkujtimit të Holokaustit. Hebrenjtë nga cdo vend u bashkuan në kampe përqëndrimi dhe u torturuan e u rrahën nga agjentë ndërsa më shumë se 1 milion njerëz vdiqën pasi u helmuan me gaz, u qëlluan për vdekje si dhe u lanë të vdisnin urie. Në vitin 2005 Asambleja e Përgjithshme e OKB miratoi një rezolutë ku e shpalli 27 janarin si Ditën Ndërkombëtare të Përkujtimit në nderim të viktimave të holokaustit. Gjatë luftës së 2-të botërore në Shqipëri u strehuan jo vetëm hebrenjtë që jetonin në Shqipëri por edhe mijëra hebrenj të vendeve të ballkanit dhe të Europës qëndrore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
