Gjykata e Elbasanit ka dhënë masën e sigurisë për pedagogët dhe sekserët e arrestuar të fakultetit “Aleksandër Xhuvani”, të Elbasanit, të cilët janë të akuzuar për marrjen e qindra eurove të studetëve në këmbim të notave kaluese.
Gjykata ka pranuar kërkesën e Prokurorisë dhe ka lënë në burg dekanin Albert Riska, ndërsa shefja e departamentit të gazetarisë Elvira Lumi do të qëndrojë për 60 ditë prapa hekurave.
Në burg do të qendrojnë edhe sekseri Petrit Kodra si dhe studenti Marjus Calja.
Ndërkohë, gjykata liroi në "arrest shtëpie" pedagogen Eriola Calja e cila gjatë seancës u shfaq në gjendje të rënduar emocionale ndërsa u pa duke qarë ashtu si i ati i moshuar.
Në 'arrest shtëpie' do të qëndrojnë edhe dy të akuzuarit e tjerë si sekserë Adem Ngjela dhe Admirim Kala.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
