Kryetari i Partisë Demokratike, Sali Berisha, ka propozuar krijimin e një bordi për të mbështetur eksportuesit, të cilët po vuajnë pasojat e rënies së euros. Pano Soko, nga Nisma Thurje, tha se ideja e Berishës për të krijuar një bord për të kompensuar dëmin e shkaktuar nga rënia e euros është e drejtë.
Ky bord do të ndihmojë eksportuesit duke mbuluar humbjet e shkaktuara nga kursi i euros, i cili ka ndikuar negativisht në bizneset e përfshira në eksporte.
"Berisha ka thënë për krijimin e një bordi për të lehtësuar dëmin e shkaktuar eksportuesit nga rënia e euros. Pra ideja është që qeveria të marrë përsipër dëmin që i ka ndodh eksportuesit për rënien e euros dhe të përllogaritet duke. Rënia e saj ka sjell disa dëmtime për bizneset. Thelbi i disbalancimit është paraja e pistë dhe është e qartë edhe e provuar nga partnerë ndërkombëtarë. Një dorë tjetër është edhe rritja e turizmit, por sërish rënia e euros e kalon atë.," tha Soko.
Soko shprehu se krijimi i bordit është një mundësi e realizueshme, por mekanizmi i përdorur është pak i fryrë. Ai theksoi se një kurs i fiksuar në 115 lekë për euro është një kërkesë realiste dhe që mund të ndihmojë eksportuesit, ndërsa kursi 138 lekë për euro i propozuar nga Berisha, është tepër i lartë dhe mund të sjellë pasoja të rënda për ekonominë.
"Është e realizueshme, por mekanikja është pak e fryrë. 138 nuk është kursi që realisht as eksportuesit nuk po e kërkojnë diçka të tillë. Që të shkojmë deri në kursin 115 është e realizueshme, por 138 është shumë. Eksportuesit vjet i kanë kërkuar qeverisë që kursi të jetë 115, që të mos dalë nga tregu. Ata kanë kërkuar të shtyhet në kohë, ose të hiqet nga taksat.," shtoi Soko.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
