Kryeministri Rama ka bërë publikë emrat e ministrave të kabinetit të ri qeveritar. Qeveria e re e dalë nga zgjedhjet e 25 qershorit do të jetë më e vogël, me synimin për të pasur efektivitet më të lartë. Qeveria e re do të ketë 11 ministri dhe 2 ministra shtetit. Përbërja është 50 për qind burra dhe 50 për qind gra.
Disa prej ministrave janë emra të rinj, por një pjesë e tyre mbajnë sërish ministritë që kanë drejtuar gjatë mandatit të parë të qeverisjes së PS-së. Në kabinetin e ri vihet re riemërtimi i disa ministrive, të cilat marrin nën administrim sektorë të ministrive të tjera.
Gjashtë prej ministrave të kabinetit të mëparshëm janë rikonfimruar sërish në detyrën e tyre. Shumica e tyre kanë rimarrë detyrën që iu besua ministrave teknikë në zbatim të marrëveshjes së 18 majit mes kryesocialistit Rama dhe kreut të PD-së, Basha.
Ministër i Jashtëm – Ditmir Bushati
Ministër i Brendshëm – Fatmir Xhafaj
Ministria e Shëndetësisë - Ogerta Manastirliu
Ministria e Kulturës – Mirela Kumbaro
Ministrisë së Arsimit dhe Sportit i bashkohet edhe Rinia. Në detyrën e ministres ngarkohet sërish Lindita Nikolla.
Ministria e Financave bashkohet me Ekonominë dhe merr edhe komponentin e Punës nga Ministria e Mirëqenies. Me detyrën e ministrit të Punës, Ekonomisë dhe Financave ngarkohet Arben Ahmetaj
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
