Ndërtimi i aeroportit të Vlorës në një zonë të mbrojtur ka sjellë reagimin e oragnizatave të Shoqërisë civile si dhe ambientalistëve.
Orniotologu, Mirjan Topi, tha në studion e lajmeve në MCN TV, se ndërhyrjet në këtë projekt cilësohen si shkelje të konventave ndërkombëtare, meqë projekti si i tillë po bëhet brenda zonës së mbrojtur emerald.
“Zona të cilat janë brenda rrjetit të zonave Emerald, ku do të realizohen investime strategjike duhej të bëhej fillimisht një vlerësim i posaçëm mjedisor. Fakti se Peizazhi Vjosa-Narta është një zonë e mbrojtur peizazhi tregon se nuk bart vetëm një trashëgimi natyrorore, por një trashëgimi domethënëse për të gjithë kontinentin evropian. Aty gjendet pelikani kaçurrel, llojet e flamengos, ka shpendë të tjerë, popullata fulizuese e të cilave kalon 1 përqind të popullatës së kontinentit evropian.
Për Topin, ndërtimi i Aeroportit të bëhet diku tjetër, sepse Vjosë-Narta është një xhevahir që nuk mund t’i kthehet më kurrë vendit. Ai tha se nuk e përjashtojnë mundësinë e drejtimit të kësaj cështje në instancat ligjore.
“Me këtë projekt, po shkatërrojmë xhevahiret natyror tonat, një xhevahir si Vjosë-Narta, nuk mund t’i kthehet kurrë Shqipërisë, është diçka e papërsëritshme.
Ne do ta trajtojmë çështjen brenda gjykata të vendit, por megjithatë grupimin e organizatave ndërkombëtare ku bëjmë pjesë edhe ne, do të na bëj t’i drejtohemi edhe drejtësisë ndërkombëtare në këtë rast”.
Orniotologu Topi shprehu besimin se herët a vonë projekti për ndërtimin e Aeroportit të Vlorës do të ketë fatin e projektit të Valbonës, e cila u anulua pas disa fazave, meqë mban statutin e zonës së mbrojtjes.
„Do shpresoja qe e njëjta gjë të ndodh edhe me Aeroportin ndërkombëtar të Vlorës, sepse zona mban statutin e zonës së mbrojtjes njësoj si Valbona, kështu që fati i këtij investimi ka për të qenë i njëjtë, është dritëshkurtësi, e panevojshme në këtë rast. Nuk jemi kundër, por mund ta bëjnë në zona të tjera“.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
