“Aksioni opozitar”, Lela: E vetmja mënyrë e opozitës për t’i dhënë fund marrëzisë së Ramës

Alfred Lela, drejtor i Zyrës së Shtypit dhe Komunikimit në PD, i ftuar në emisionin “Të Paekspozuarit” në MCN u shpreh se “aksioni opozitar” i parë këtë të hënë në parlament ndërsa votohej buxheti 2024, vjen pasi opozita është e vendosur me shpatulla pas muri nga mazhoranca dhe kjo është e vetmja mënyrë që ka për momentin.

Teksa foli për buxhetin e miratuar nga mazhoranca ditën e sotme, Lela tha se megjithëse Rama kishte thënë më herët se do të dilte në dëgjesa për të folur për buxhetin 2024, ai jo vetëm që nuk doli por as nuk u konsultua me grupet e interesit.

“Kjo që po ndodh sot në parlament është një sekuencë e vazhdimit të gjërave që kanë ndodhur deri më tani. Kjo “dhunë”, që në fakt është përplasje pushtet-opozitë që ka ardhur nga arroganca.

Opozita e vendosur me shpatulla pas muri po i bënë ndërprerje marrëzisë të mazhorancës sepse nuk ka mënyrë tjetër.

Rama pse nuk doli nëpër dëgjesa dhe të flasë për buxhetin? Nuk është konsultuar me grupet e interesit. As në 97 nuk ka ndodhur rrethimi me gardë në parlament.”