Ish-shefi i Shtëpisë së Bardhë Donald Trump mban sot në Teksas takimin e parë me simpatizantët në kuadër të fushatës për zgjedhjet presidenciale të vitit 2024. Ky takim vjen pas deklaratave të fundit të ish-Presidentit se ekziston mundësia që ai të arrestohet.
Kujtojmë që organi i akuzës në Manhatan po heton rolin e Trump mbi pagesën ndaj aktores së filmave për të rritur, Stormy Daniels në këmbim të heshtjes së saj. Trump i ka konsideruar hetimet të ndikuara politikisht, duke bërë thirrje për protesta.
Trump po ashtu po hetohet lidhur me mbajtjen e dokumenteve sekrete pas largimit nga Shtëpia e Bardhë, si dhe për përpjekjen për të përmbysur rezultatin e zgjedhjeve presidenciale në Xhorxhia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
