Të paktën 35 persona mbetën të plagosur pas një tërmeti me magnitudë prej 5,1 ballësh të shkallës Rihter, i cili këtë mëngjes goditi qarkun Samsat në provincën juglindore Adıyaman të Turqisë.
"Pas tërmetit, 35 të lënduar u shtruan në spital. Asnjëri nuk është në rrezik jete", tha ministri ministri i Shëndetësisë, Demiracan, për agjencinë Anadolu.
Tërmeti është regjistruar në ora 03:34 sipas kohës lokale në qarkun Samsat dhe epiqendra e tërmetit u regjistrua në një thellësi prej 7 km nën sipërfaqen e tokës.
Nga lëkundjet pati dëmtime të konsiderueshme në banesa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
