Ish-kryeministri i Australisë Scott Morrison ka zbuluar se ka kërkuar trajtim për ankthin gjatë kohës që ishte në krye të qeverisë.
Në një libër të tij, Morrison thekson “lodhjen e pastër fizike” dhe “brutalitetin e paepur dhe të pashpirt të politikës” si thelbësore për betejat e tij.
Ai tha se po ndante historinë e tij për të larguar stigmatizimin mbi sëmundjen mendore.
“Mjeku im u habit që kisha duruar aq gjatë”, shkruan Morrison, në një ekstrakt të botuar nga The Australian.
Pa marrë ndihmë, do të ishte shfaqur depresioni serioz. Politikanët nuk janë bërë prej guri, por ata shpesh trajtohen sikur të jenë, duke përfshirë njëri-tjetrin.
Morrison, një konservator i cili udhëhoqi Australinë nga 2018 në 2022, shkroi në mediat sociale se donte të normalizonte diçka që ishte “shumë e zakonshme për shumë australianë.
Për shkak se kërkova ndihmë, isha plotësisht funksional. Është e rëndësishme që njerëzit të kuptojnë se kjo nuk duhet të të zmbrapsë.
Ndërsa ishte në detyrën e lartë, Morrison mbikëqyri përgjigjen pandemike të Australisë, krizën e zjarreve 2019-2020, dhe u përfshi në një skandal historik për emërimin e fshehtë në disa poste ministrore.
Në janar ai u tërhoq nga politika pas 17 vitesh shërbim publik, për t’iu bashkuar sektorit privat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
