Princi William do të takohet me kryeministrin izraelit në udhëtimin historik të Lindjes së Mesme

Duka i Kembrixhit ka mbërritur në Tel Aviv si pjesë e një turneu historik pesë ditor në Lindjen e Mesme, në të cilën ai do të bëhet Princi i parë britanik që bën një vizitë zyrtare në Izrael dhe në territoret palestineze të okupuara.

Me kërkesën e qeverisë së Mbretërisë së Bashkuar, Duka gjatë udhëtimit tij do të takohet me kryeministrin e Izraelit, Benjamin Netanyahu, i cili shihet si jashtëzakonisht i rëndësishëm për marrëdhëniet midis Mbretërisë së Bashkuar dhe Izraelit.

Ai gjithashtu do të takohet me presidentin e Autoritetit Palestinez, Mahmoud Abbas, në Ramallah në Bregun Perëndimor.

Vizita e Princit William vjen gjatë një periudhe të tensioneve në rritje në rajon. Më shumë se 100 palestinezë u vranë nga sulmi izraelit gjatë protestave të fundit në kufirin me Gazën.

Në Izrael, Duka do të vizitojë qendrën përkujtimore të Holokaustit Yad Vashem ku do të vendosë një kurorë për të përkujtuar miliona hebrenj që vdiqën gjatë luftës së dytë botërore.

Ai gjithashtu do të vizitoj varrin e princeshës Alice të Greqisë, gjyshja e Uilliamit dhe nëna e Dukës së Edinburgut në kishën ortodokse ruse të Shën Marisë Magdalenë në Malin e Ullinjve. 

Princi Philip vizitoi varrin në vitin 1994, pasi u ftua në një ceremoni për të nderuar punën e saj në shpëtimin e hebrenjve grekë në vitet 1940.

Në Ramallah, Duka do të marrë pjesë në ngjarjet që përqendrohen në çështjet me të cilat ballafaqohen komunitetet e refugjatëve dhe siguron "mundësi për të festuar kulturën, muzikën dhe ushqimin palestinez", tha Kensington Palace.

36-vjeçari, arriti në Jordani të dielën, ku u prit nga Princi i Kurorës Hussein, 23 vjeç, me të cilin po shikonte ndeshjen e Anglisë në Kupën e Botës kundër Panamasë. Ai vizitoi rrënojat e qytetit romak të Jerashit, një atraksion turistik ku dukeshja e Kembrixhit ishte fotografuar si një fëmijë ndërsa familja e saj jetonte në Jordani në vitet 1980.