Pas protestave që shpërthyen në të gjithë vendin, kryeministri i Armenisë, Serzh Sargsyan ka dhënë dorëheqje.
Dorëheqja e Sargsyan vjen në kohën kur në Jerevan dhe në qytete të tjera, për të njëmbëdhjetën ditë me radhë, qytetarët kanë protestuar duke kërkuar dorëheqjen e tij
Sarkisian u zgjodh kryeministër më 17 prill, dhe opozita e akuzoi atë se po kap pushtetin, pasi vetëm tetë ditë pasi kishte përfunduar mandatin e dytë si president ai u zgjodh në krye të qeverisë së vendit të tij.
"Lëvizja e rrugës është kundër mandatit tim, po e plotësoj kërkesën tuaj," tha ai në një deklaratë.
Por sipas BBC, nuk ishte e qartë kur dorëheqja e tij do të hyjë në fuqi.
Njoftimi erdhi menjëher, pasi kreu i opozitës Nikol Pashinyan u lirua nga paraburgimi.
Në deklaratën e tij të publikuar në faqen e tij të internetit, Sargsyan tha se ai ishte "duke iu drejtuar të gjithë qytetarëve të Republikës së Armenisë ... për herë të fundit si udhëheqës i vendit".
"Nikol Pashinyan kishte të drejtë, unë kam gabuar," tha ai dhe "Situata ka disa zgjidhje, por unë nuk do të marr asnjë prej tyre ... po largohem nga posti i kryetarit të vendit, i kryeministrit".
Protestuesit këndonin "Nikol, Nikol" në rrugë të hënën dhe tundnin flamuj armenë. Ata u bashkuan me qindra ushtarë me uniformë, pavarësisht paralajmërimeve nga ministria e mbrojtjes se çdo ushtar që protestonte do të dënohej ashpër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
