Kryeministri grek Aleksis Tsipras zbuloi gjatë fjalimit të tij në forumin e katërt ekonomik në Delfi se së shpejti do të jetë kryeministri i parë helen që zhvillon një vizitë zyrtare në Shkup.
Ai do të shoqërohet nga një delegacion biznesi, ndërsa më vonë do të formohet edhe këshill i lartë për bashkëpunim midis Greqisë dhe Maqedonisë së Veriut.
Tsipras shtoi se Athina është e hapur për të zbuluar mënyra të reja për thellimin e bashkëpunimit në një sërë sferash me interes të përbashkët.
Ai nënvizoi ekonominë, turizmin, energjetikën, kulturën si dhe bashkëpunimin ushtarak e policor.
Tsipras te një pjesë e fjalimit foli edhe për marrëveshjen e Prespës duke ju porositur kundërshtarëve të marrëveshjes se “Athina dhe Shkupi tani ka mposhtur nacionalizmin”.
“Ata përpiqeshin të përjetësojnë rrugën qorre kundrejt përshtatshmërisë politike. Marrëveshja e Prespës është kryevepër. Ne zgjodhëm të jemi në anën e vërtetë të historisë, pavarësisht shpenzimit politik apo rreziku””, tha kryeministri grek Alexis Tsipras.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
