Kur kanë kaluar 24 orë nga tërmeti i fuqishëm prej 6.6 ballë që dje goditi qytetin e Izmirit, në Turqi, në një komunikim të drejtpërdrejtë më studion e lajmeve ne TvT, Ambasadori i Shqipërisë në Ankara, Kastriot Robo, shpjegon se komuniteti shqiptar është i koncentruar në masën 60 përqind në zonën e Izmirit. Për pasojë nga kjo tragjedi, Robo njofton se është regjistruar humbja e parë në mesin e komunitetit, një 64-vjeçare me origjinë nga Prishtina.
“Ne si ambasadë jemi përpjekur ti qëndrojmë pranë komunitetit shqiptar aty, pasi prezenca e komuniteti shqiptar në Izmir dhe në mënyrë të veçantë në zonën e Bernovës, meqë gati mbi 60 përqind e popullsisë së Bërnovës është më origjinë shqiptare dhe unë kam qnë në lidhje të drjetpërdrejtë me përfaqësuesit e shoqatave të tyre. Fatkeqsisht kemi një humbje jete të tyre, një qytetare me origjinë nga Prishtina, 64 vjeçare, familjes së të cilës i kemi shprehur ngushëllimet tona”.
Ambasadori shqiptar në Turqi, referuar gjendjes posttërmet, thotë se qeveria turke është e angazhuar në maksimum për ardhjen në ndihmë të të dëmtuarve nga tërmeti i djeshëm, ndërkohë që para pak çastesh raportoi shpëtimin e një nënë me katër fëmijet e saj nga gërmadhat e banesës së saj në Izmir.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
