Zhaku: Paga e përkthyesit shumë e ulët. Duhet të vendoset një çmim minimal dinjitoz

“Sigurisht që përkthyesi është shumë i rëndësishëm sepse në radhë të parë botuesi duhet të sigurohet nëse ka njohuri të mira të gjuhës nga e cila përkthen, nëse është shkolluar në gjuhën që përkthen. Është e rëndësishme që përkthyesi të njohë mirë të dyja gjuhët. Është shqetësuese që shumë përkthyes marrin përsipër të përkthejnë vepra madhore nga gjuhë që s’i njohin thellësisht. I përkthejnë nga gjuhë që i njohin më mirë dhe deklarojnë gjuhë tjetër. Mund të jesh përkthyes shumë i mire, por është e rëndësishme të njohësh gjuhën origjinale. Është rasti i Robert Shvarc kur përktheu ‘100 vjet vetmi’ të Markezit. Të përkthesh Kafkën duke mos njohur gjermanishten s’më duket etike, sado përkthyes i mirë të jesh. Paga është shumë e ulët për t’i kushtuar kaq shumë kohë. Ende nga shtëpitë botuese në Shqipëri s’ka një tarifë dinjtioze, fikse. Të njëjtat tarifa si para 15 vitesh janë edhe tani. E vetmja mënyrë që të shpërblehet një përkthyes është të marrë një projekt, përndryshe përkthyesi do marrë pagë minimale. Duhet vihet një çmim minimal dinjitoz dhe jo 5-6 mijë lekë të vjetra”.