Ditën e sotme mbahen zgjedhjet për kryetarin e Partisë Demokratike, ku në garë janë ish-kryetari Lulzim Basha dhe përballë tij kandidon Gjergj Hani, ish i përndjekur politik. Qendrat e votimit do të jenë të hapura nga ora 8:00 deri në 19:00, ndërkohë që kandidati Gjergj Hani voton në orën 10.00 tek zyrat qendrore të PD, ndërsa Lulzim Basha në 11.00 pranë zyrave të degës 8 në Tiranë. Zgjedhjet mbahen në një situatë edhe më të përçarë në PD-në zyrtare, ku dy ditë më parë kreu i grupit parlamentar Gazment Bardhi në mbledhjen e Këshillit Kombëtar, i anuloi zgjedhjet për kryetarin. Madje grupimi i Bardhit kërkoi në gjykatë çregjistrimin e Bashës, si kryetar i Partisë Demokratike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
