Maia Sandu , presidentja e Moldavisë , fitoi balotazhin presidencial për të marrë një mandat të dytë, duke konfirmuar vizionin e saj properëndimor për të ardhmen e vendit.
Votimi u zhvillua vetëm dy javë pas një referendumi që mbështeti anëtarësimin në BE me një diferencë të vogël.
Sandu mori 54.91% të votave kundrejt 45.09% të Alexandr Stoianoglo, i mbështetur nga socialistët pro-rusë.
Ish- ekonomistja 52-vjeçare e Bankës Botërore falënderoi qytetarët që e votuan, duke konsoliduar kështu mbështetjen mes moldavëve, pavarësisht një klime të tensionuar zgjedhore e karakterizuar nga akuza për ndërhyrje të huaja dhe manipulim votash.
"Sot, të dashur moldavë, ju dhatë një mësim për demokracinë, duke shpëtuar Moldavinë!", deklaroi Sandu duke iu referuar vizionit të saj për një të ardhme evropiane dhe demokratike të vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
