Karantina e dy qyteteve më të mëdha, Tiranës dhe Durrësit, do të vijojë përtej së dielës.
Në një postim të fundit në rrjetet sociale, kryeministri Rama paralajmëron banorët e këtyre dy qyteteve, të cilët mund të jenë larguar diku tjetër përkohësisht, të kthehen deri të hënën në orën 08:00 të mëngjesit. Në të kundërt, nuk do të lejohen të hyjnë.
Po ashtu, Rama paralajmëron qytetarët e Tiranës dhe Durrësit të mos planifikojnë udhëtime jashtë qytetit.
Postimi i Ramës
Kush banon në Tiranë-Durrës dhe është larguar për fundjavë të gjatë në Korçë ose gjetkë, të sigurohet të hyjë në perimetrin e blinduar gjatë hapjes së rrugëve hyrëse pas mesnatës të së dielës dhe jo më vonë se ora 08.00 e mëngjesit. Sipas të gjitha gjasave, perimetri do të mbyllet përsëri.
Kush banon në Tiranë-Durrës dhe është aktualisht brenda perimetrit, të sigurohet që të mos planifikojë lëvizje jashtë perimetrit në fillimjavën e ardhshme (duke shfrytëzuar hapjen e rrugëve nga e diela në mesnatë deri të hënën në 08.00) sepse mund të mos rihyjë dot!
Sipas të gjitha gjasave, perimetri Tr-Dr do të mbyllet përsëri!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
