Artur Çobani, drejtor i Kadastrës “Tiranë Rurale 2” tha përmes një lidhje “Skype” me studion e lajmeve në MCN Tv se nuk mund të flasim për kolaps të Kadastrës, por për probleme me shpërndarjen e aplikimeve, situatë e cila ka ardhur për shkak se sistemi i implementuar është i ri dhe për shkak se ky ndryshim përkoi me periudhën e verës, kur specialistët përkatës ishin me pushime.
Duke vijuar më tej me logjikën e tij Çobani tha se këto probleme janë pakësuar, dhe se brenda tetorit nuk do të ketë më gabime në kthimin e përgjigjeve.
Problematika që u krijua ishte për shkak se ishte sistem i ri dhe si çdo sistem i ri merr kohën e vet. Në fillim të korrikut kishim probleme se ishte implementimi i parë, ishte diçka e re dhe e dyta ishte se gjatë korrikut dhe gushtit një pjesë e madhe e specialistëve kishte marrë pushimet dhe u krijua fluks dhe kjo krijoi disa vonesa, por tani janë normalizuar dhe në të ardhmen do të normalizohen më tepër. Kjo kërkonte kohën e nevojshme.
Dixhitizimi ka qenë, e vetmja gjë e re ishte shpërndarja e aplikimeve që nuk bëhej nëpërmjet drejtorive përkatëse, por nëpërmjet një kullë përkatëse. Duke menduar që për aplikimet e shpejta që zënë gati 50% të aplikimeve kjo u bë në kohë rekord.
Nuk është kolaps. Nëse flasim sot shërbimet e shpejta jepen brenda 24 orëve. Sa i përket aplikimeve të tjera që kanë të bëjnë me regjistrime fillestare, nuk kanë arritur në formën perfekte, por me kalimin e kohës do të arrijnë. Nuk ndodhemi para një kolapsi. Ka nevojë për një përmirësim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
