Gjykata Kushtetuese ka shtyrë për datën 24 janar shqyrtimin e marrëveshjes me Italinë për emigrantët. Kushtetuesja bëri të ditur se para dhënies së vendimit do të shqyrtojë si provë Traktatin e Miqësisë të 1995.
Gjatë shqyrtimit të çështjes, Gjykata konstatoi se subjekti i interesuar Këshilli i Ministrave ka prapësuar se Protokolli i Bashkëpunimit është lidhur bazuar në Traktatin e Miqësisë dhe Bashkëpunimit ndërmjet Republikës së Shqipërisë dhe Republikës së Italisë i vitit 1995. Në këto rrethana, Gjykata bazuar në nenin 44/a të ligjit organik të saj vlerësoi se shqyrtimi i këtij Traktati është i nevojshëm për hetimin e plotë të çështjes, ndaj vendosi t’i kërkojë Këshillit të Ministrave paraqitjen e kësaj prove dhe për këtë shkak, seanca plenare e radhës do të zhvillohet në datën 24.01.2024, ora 11.30", thuhet në njoftimin e Gjykatës Kushtetuese.
Marrëveshja Rama-Meloni u dërgua në Kushtetuese nga grupimi demokrat i udhëhequr nga Gazmend Bardhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
