Njëzet e nëntë korriku shënon ditën kur njeriu ka ezauruar të gjitha resurset natyrore që Toka mund të rigjenerojë brenda vitit 2019. Pra, duke nisur nga nesër, ne do të konsumojmë mbi kapacitetin që na ofron planeti, duke djegur resurset e të ardhmes.
Kjo është përllogaritur nga Global Foot Network, organizatë kërkimore ndërkombëtare që monitoron shfrytëzimin e burimeve natyrore.
Dita e mbishfrytëzimit (Overshoot Day në anglisht) shënon ditën kur konsumi i burimeve nga ana e njeriut tejkalon ekosistemet që Toka mundet t’i rigjenerojë deri në fund të vitit.
Kjo është mesatarja globale, por nëse marrim vende të caktuara, disa prej tyre e kanë kaluar me kohë këtë moment. Italia, p.sh. e ka pasur ditën e ezaurimit të burimeve më 15 maj. Për të kënaqur konsumin e italianëve duhen resurse sa 4.7 vende si Italia.
Në botë, Japonia konsumon më shumë në raport me atë që prodhon, 7.7 herë më shumë. Pas saj vjen Zvicra (4.6), Britania e Madhe (4.0) dhe Kina (3.8).
Mesatarisht, brenda këtij viti, banorët e Tokës do të kenë konsumuar resurse natyrore sa për 1.75 planete.
Në terma absolutë, vendi që konsumon më shumë janë SHBA-të. Nëse e gjithë bota do të konsumonte si ata, njerëzimit do t’i duheshin burimet natyrore të 5 planeteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
