Kolegji i Posaçëm i Apelimit ka vendosur të lërë në fuqi vendimin e KPK për konfirmimin në detyrë të prokurores Manjola Kajana, kandidate për në SPAK.
Komisioni i Pavarur i Kualifikimit kaloi në veting prokuroren Kajana dhe nga analiza e tre shtyllave kryesore të këtij procesi, që janë pastërtia e figurës, analiza e të ardhurave dhe profesionalizimi, Kajana mori konfirmimin në detyrë.
Mirëpo, menjëherë pas vendimit Komisioneri Publik e dërgoi çështjen në Apelim për rishqyritim me pretendimin se vendimi i KPK-së ishte bazuar në prova të pamjaftueshme.
Mëngjesin e sotëm, Apelimi pasi shqyrtoi ankimimin vendosi të lërë në fuqi vendimin e KPK, për konfirmimin në detyrë të prokurores Manjola Kajana.
Me prokuroren Kajana, shkon në 13 numri i prokurorëve të SPAK, ndërsa presin konfirmimin Anton Martini, i cili është ankimuar në KPA, dhe Elizabeta Imeraj, e cila është në pritje të Vetingut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
