Një krim në familje është shënuar mesditën e sotme në Shkodër, ku burri ka vrarë gruan me çifte.
Nga të dhënat paraprake mësohet se ngjarja e rëndë ka ndodhur rreth orës 13:30, në lagjen Mark Lula në Shkodër.
Shtjefën Ziçi, 62 vjeç, dyshohet se ka qëlluar me armë gjahu, çifte, bashkëshorten e tij, Bardhe Ziçi, 55 vjeçe, e cila ka humbur jetën si pasojë e plagëve të marra.
Shërbimet e policisë shkuan menjëherë në vendngjarje dhe kapën autorin e dyshuar, i cili u shoqërua në komisariat, për kryerjen e veprimeve procedurale.
Gjithashtu, u sekuestrua arma e zjarrit me të cilën dyshohet se u krye krimi.
Lidhur me krimin e rëndë policia po heton për të hedhur dritë mbi gjithë sa ka ndodhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
