Eksperti i sigurisë Fatjon Softa thotë se nuk ka një marrëveshje mes Shqipërisë dhe Dubait që të kemi ekstradime dhe se rastet e kthimeve në territor tregon se gjendet një mënyrë për tu marrë dhe kthyer në territorin shqiptar persona që mund të kenë gjetur strehim në këtë vend.
Duke folur për emisionin “FactCheck” në MCN TV, ai deklaroi se gjithë ata persona që janë marrë me aktivitet kriminal janë marrë me aktivitet fitimprurës, si trafikimi i lëndëve narkotike, ku kanë investuar dhe nga ai vend kanë vijuar të drejtojnë aktivitetin kriminal.
“Për të kthyerit në Shqipëri, fakti që janë ndaluar në kushtet e një jete normale, tregon menjëherë se është dëbim dhe jo ekstradim se Shqipëria nuk e ka këtë marrëveshje. Dëbimi mund të jenë prej aktivitetit të tyre, provat që mund të kenë çuar strukturat e posaçme që mund të kenë ngjallur interes për rrezikshmërinë e këtyre personave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
