Në Kosovë nuk është pritur mirë vendosja e tarifës prej 5 eurosh për Rrugën e Kombit. Ministri i Infrastrukturës, Pal Lekaj, është shprehur se autoritetet e Shqipërisë nuk kanë informuar paraprakisht në lidhje me vendosjen e taksës 5 euro për çdo automjet.
Ai është shprehur se të hënën do t’i drejtohet homologut të tij për të kërkuar sqarime dhe për të zbritur taksën rrugore.
“Asnjë konsultë nuk kanë bërë me Kosovën. Është dashur të paktën të bisedojnë dhe të na tregojnë për këtë taksë. Të hënën, do t’ua bëj një shkresë zyrtare për një takim dhe të shohim...”, ka thënë Lekaj për Gazetën Express.
“Realisht, është taksë e madhe për shqiptarët”, ka shtuar ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
