Në Rusi po diskutohet mundësia e ndryshimit të Kushtetutës, një lëvizje që mund ta ndihmojë Putinin të zgjasë qëndrimin në pushtet. Propozimi është bërë nga një ligjvënës i lartë rus, sipas të cilit Parlamenti duhet ta forcojë pushtetin e vet.
Ideja e ndryshimeve kushtetuese, të cilat i japin Parlamentit hapësirë në formimin e qeverisë së re, ka gjetur mbështetje dhe është kthyer në temë diskutimi, u tha gazetarëve Putin në një konferencë të mërkurën.
Putini në vitin 2024 duhet të japë dorëheqjen si president për të shmangur shkeljen e Kushtetutës, e cila parashikon që ndalimin e më shumë se dy mandateve rresht. Më parë, ai e ka përjashtuar mundësinë e ndryshimit të Kushtetutës për të zgjatur qëndrimin në detyrën e presidentit, por këshilltarët e tij po shqyrtojnë mënyrat për të zgjatur efektivisht kontrollin e tij mbi pushtetin, i cili tashmë është më jetëgjati që nga koha e diktatorit sovjetik, Josef Stalin.
Kremlini po shqyrton ndryshimin e sistemit zgjedhor në një përpjekje për të siguruar mbajtjen e dhomës së ulët të Parlamentit në zgjedhjet e 2021, pas një rënieje të popullaritetit të partisë Rusia e Bashkuar. Mbajtja e një qëndrimi të fortë mbi legjislaturën, e njohur si Duma e Shtetit, do të zgjeronte hapësirën e Putinit për manovrim. Kjo mund ta lejojë atë të kalojë rolet për të ruajtur drejtimin e partisë në pushtet dhe postin e kryeministrit me autoritet të zgjeruar kushtetues, duke i marrë kompetenca Presidencës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
