Një grup protestuesish u përfshinë në një përleshje masive në aeroportin e Hanoverit në Gjermani. Incidenti ndodhi gjatë protestës kundër operacioneve ushtarake turke në Siri.
Protestuesit me flamujt e rajonit kurd të Irakut bënë thirrje kundër presidentit Erdogan duke e quajtur fashist, por kjo ka ngjallur reagimin e disa udhëtarëve turq që ndodheshin në aeroport.
Rreth 20 persona u përfshinë në këtë incident, ndërsa dy prej tyre morën plagë të shumta. Ndërhyrja e policisë e vuri situatën nën kontroll.
Sulmet e Turqisë në Siri, në rajonin e Afrinit, kanë për qëllim shtypjen e luftëtarëve kurdë, që janë aleatë të SHBA-ve në luftën siriane. Vendimi i Turqisë për t’i nisur këto sulme ngjalli protesta e zemërim në rajon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
