Deputetja e Partisë së Lirisë Monika Kryemadhi foli pas takimit me Yuri Kim, ku ngrit shqetësimi mbi financimet e huaja të partive politike në Shqipëri. Kryemadhi tha në një prononcim për mediat se ligji për financimin e partive ka nevojë për rishikim dhe rishqyrtim.
Ligji për financimin e partive politike ka nevojë për rishikim dhe rishqyrtim në mënyrë që t’ua bëjë më të lirë qytetarëve shqiptarë të bëjnë donacione për partitë politike. Duke e bërë burokratike ne stimulojmë shumë më shumë paratë e pista. E përgëzoj takimin me ambasadoren Kim dhe bashkëpunimi i gjithë partive të vijojë edhe më tutje”.
E pyetur në lidhje me kabllogramin për financim rus të PD, Kryemadhi u shpreh:
Di të them që një proces që do vazhdojë të hetohet dhe do hetohet edhe jashtë Shqipërisë. Të dini që asgjë s’del pa dalë. Kush e ka gëlltitur lugën e çorbë së prishur ka për të vjellë gjithë jetën”.
Ndërkaq një deklaratë mbi takimin u bë edhe nga Komisioneri Shtetëror i Zgjedhjeve, Celibashi, i cili u shpreh:
Nga ambasadorja u përcoll shqetësimi i SHBA-ve si partneri dhe aleati ynë strategjik në lidhje me financimet e huaja të politikës shqiptare, në mënyrë specifike të financimeve ruse. Nën dritën e informacioneve të fundit që ata zotërojnë, përcollën këtë informacion që të rritet vëmendja, për të bërë më mire që financimet e huaja të mos kenë ndikim në politikën shqiptare”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
