Situata pas reshjeve të shumta të shiut në zonën e Shkodrës, ka çuar në përmbytje, të cilat veçanërisht mbrëmë, kanë ngritur edhe nivelin e ujit mbi mesatare. Në një komunikim përmes skype e edicionin e lajmeve në MCN TV, kryetarja e bashkisë së Shkodrës, Voltana Ademi, shprehet se reshjet e mbrëmshme po e çojnë zonën sërish në kuotën e vështirësive njësoj si të dhjetë ditëve më heret.
“Ka rritje 60 cm të nivelit të ujit, pas zbritjes që e patëm, tani po i afrohemi sërish kuotës që kishim para dhjetë dite. Tani jemi rritur dhe arrijmë në 1450 hektar të përmbytur, kryesisht në Anën e Malit, në fushën e Dajqit, zonat urbane janë nën kontroll”.
Ademi, tha se kësaj radhe është verejtur edhe rritje e nivelit të ujrave të liqenit të Shkodrës, duke aritur mbi 8 metër e 85 cm.
“Problemi tashmë shtohet me një rritje të Liqenit të Shkodrës, duke krahasuar edhe me pikuh e pak ditëvë me parë, sot në mëngjes kemi 8.meter e 85 cm, që do të thotë që është rritje e menjëhershme e liqenit, do të kemi vështirësi neser, edhe nata e sontme do të jetë e vështirë”.
Lidhur me faktin se a janë kontaktuar dhe ndihmuar nga pushteti qëndror, përkitazi me përmbytjet e ditëve të fundit, kryetarja Ademi, numëron rastet kur i ka kërkuar ndihmë përmes shkresave pushtetit qëndror.
“Kam një vështirësi që lidhet me gjënë e gjallë, për ushqimin për ta, kam kërkuar para dhjetë dite 150 t koncentratë, nuk kemi më furnizim, sot kemi bërë serish kërkesa për furnizim për 200 ton koncentrat dhe nuk kam asnjë ndihme, pasi është kompetencë e Ministrisë së Bujqësisë. Duhet të blejmë për herë të parë, do të bëjmë prokurim nga fondi i emergjencave civile nga bashkia per të blerë ushqim për gjënë e gjallë. Pastaj pak ditë më parë kemi bërë disa kërkesa lidhur me evidentimin e dëmeve, për ngritjen e komisionit të vlersimit ndërministror, nuk kam përgjigjje për këtë, pastaj kërkesa për ndërhyrjen në infrastrukturë, për rritjen e niveit të rrugës së Obotit, nuk mund të kalojmë më, pastaj në Goricë, etj, dhe nuk kam ende asnjë përgjegjje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
