Presidenti serb Aleksandar Vuçiç diskutoi me ambasadoren kineze në Beograd, Chen Bo, lidhur me situatën në Kosovë, në prag të dialogut Kosovë-Serbi të ndërmjetësuar nga BE.
Presidenca serbe bën me dije se Vuçiç i ka dhënë ambasadores kineze se Beogradi mbetet i përkushtuar ndaj dialogut si e vetmja mënyrë për të gjetur një zgjidhje për çështjen e Kosovës. Ai ka shtuar se Serbia kërkon nga Kosova që të zbatojë marrëveshjet e arritura.
“Për nëntë vjet nuk u ka shkuar në mendje të formojnë Asociacionin e komunave me shumicë serbe. Presim që BE-ja dhe partnerët perëndimorë të ndikojnë te Prishtina që seriozisht dhe me përgjegjësi t'i përmbushë obligimet e saj, siç ka bërë Serbia”, tha Vuçiç.
Vuçiç theksoi edhe njëherë se Serbia s’do ta njohë pavarësinë e Kosovës. Ndërkaq, ambasadorja kineze u shpreh se Pekini do ta mbështesë gjithmonë sovranitetin dhe integritetin territorial të Serbisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
