Sekretarja për Transparencën, Luftën kundër Korrupsionit dhe Kthimin e Pronave, e zgjedhur rishtas në PD, Ledina Mandia, tha në edicionin e lajmeve të MCN TV se çështja e pronave do të jetë në planveprimet e kësaj strukture të re. Sipas saj, angazhimi në këtë drejtim vjen si domosdoshmëri pas braktisjes së pronarëve nga qeverisja aktuale.
Të gjithë shqiptarët janë të njohur me nivelin e korrupsionit, për mungesën e transparencës në kontrata. Pronarët janë braktisur nga Rilindja dhe nuk janë në fokusin e saj. Do të çojmë përpara betejën e korrupsionit të instaluar në Shqipëri.
Në tërësi çështja e pronave është një çështje, e cila është në planveprimet e PD. Kemi pasur gjithnjë në vëmendje kthimin dhe kompensimin e pronës.
Lidhur me procesin e zgjedhjeve në PD, Mandia tha se për herë të parë u dëshmua transparenca e një gare të hapur.
Për herë të parë është bërë publik i gjithë procesi që nga votimi, numërimi dhe shpallja e fituesit. Jemi në një situatë ku hapet gara dhe bëhet publike çdo votë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
