Zgjedhjet në Serbi, kanë votuar vetëm 9,5 për qind e qytetarëve të Preshevës

Afro 9,5 për qind e qytetarëve, apo 4020 prej tyre, kanë ushtruar sot të drejtën e votës në komunën e Preshevës në Serbi deri në orën 16:00.

Shifra bëhet me dije nga kryesuesi i Këshillit Zgjedhor në Komunën e Preshevës, Alban Mehmeti. Ky i fundit bën me dije se procesi zgjedhor ka shkuar në rregull dhe pa incidente.

“Procesi ka shkuar në rregull dhe i qetë. Deri tani s’ka pasur ndonjë parregullsi, përveç dalja është jashtëzakonisht e vogël. Nga gjithsej 44 mijë votues që ka komuna e Preshevës, deri në orën 16:00 kanë votuar 4020 votues, apo 9.5 për qind e votuesve”, tha ai.

Kujtojmë që sot në Serbi po zhvillohen zgjedhjet parlamentare dhe presidenciale.