Një lajm i mirë vjen këtë mbrëmje nga spitali infektiv në Tiranë, ku mësohet se pacienti zero ka dalë negativ në testin e parë për koronavirusin.
Babë e bir, dy të infektuarit e parë nga koronavirusi, duket se janë shëruar plotësisht nga virusi që ka paralizuar të gjithë botën, përfshi dhe Shqipërinë.
“ Një tjetër lajm i mirë Edhe pacienti 0 sapo është konfirmuar negativ
Babë e bir pritet të lënë spitalin dhe bashkë me pacientin tjetër që la spitalin pasditen e sotme, janë 3 pacientët e shëruar që rikthehen në shtëpi
Shumë mirënjohëse për punën dhe sakrificën e ekipit të infektivit”, shkruan ministrja e shëndetësisë Ogerta Manastirliu.
Ministrja e Shëndetësisë thotë se shkon në 3 numri i të shëruarve në Shqipëri nga koronavirusi, përfshi dhe pacientin e cili u rikthye sot në shtëpi.
Deri më tani, në Shqipërim janë konfirmuar 76 persona të prekur nga koronavirusi, ndërsa 2 persona kanë humbur jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
