Një kryetar bashkie në Filipine u qëllua për vdekje gjatë kohës kur po ngrinte flamurin në një ceremoni. Antonio Halili u qëllua me armë në gjoks gjatë kohës kur këndonte himnin në qytetin Tanauan, në jug të Manilës.
Halili njihej për qëndrimet e tij të ashpra ndaj drogës. Por në të njëjtën kohë, ai akuzohej se i ka mbrojtur trafikantët, gjë që e ka hedhur poshtë gjithnjë.
Autori i vrasjes ia doli të arratisej menjëherë pas ngjarjes. Policia tha se viktima u qëllua nga një largësi e konsiderueshme, çka do të thotë se nuk është kryer nga një njeri i zakonshëm, por nga një snajper profesionist.
Halili tërhoqi vëmendjen e mediave ndërkombëtare dy vjet më parë, pasi i nxori me forcë në rrugë ata që dyshohej se ishin përfshirë në trafik droge, një mënyrë kjo për t’i turpëruar.
Por vitin e shkuar, pushteti i tij mbi policinë lokale u zbeh pasi qeveria e akuzoi për lidhje me trafikun e paligjshëm të drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
