Një snajper i SAS ka vrarë një luftëtar të “nivelit të lartë” të ISIS me një të shtënë që vlerësohet ‘një në një milion’ nga një largësi prej rreth 1 mij milje larg.
Bëhet fjalë për një snajperist të paindentifikuar i cili ka vrarë terroristin me një “goditje në kokë” afër kufirit sirian, pasi i është dhënë një dritare “në dispozicion” për vetëm 15 sekonda.
Sipas mediave britanike, ai besohet se është një rreshter me S-Squadron SAS dhe një veteran i operacioneve si në Irak dhe Afganistan, ku thuhet se ka regjistruar deri në 100 vrasje.
Sipas Daily Star Sunday, besohet se ai ka përdorur një pushkë snajper McMillan TAC-50 të prodhuar nga SHBA, ndërsa ai kishte në shënjestër fanatikun e ISIS që po vinte në një shtëpi të sigurt në një fshat afër kufirit sirian 1500 metra larg.
Snajperisti që vjen nga forcat elitare britanike thuhet se është pjesë e një lufte kundër terrorizmit në Irak dhe Siri, që mendohet të ketë qenë në veprim që nga fillimi i vitit.
Ai kishte 15 sekonda për të marrë në shënjestër ekstremistin që po dilte nga një makinë. Burimet kanë thënë se ekstremisti u vra menjëherë pasi u qëllua në pjesën e pasme të kokës.
Një burim i tha gazetës se fshati në fjalë ishte nën kontrollin e ISIS duke e bërë një mision të pamundur për "kapjen" e tij. Vendndodhja e saktë nuk është zbuluar, por skuadra e SAS kishte shpresuar se komandanti i ISIS do të arrinte gjatë ditës, sepse një e shtënë e natës u konsiderua si tepër e rrezikshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
