Ministria e Jashtme e Japonisë njoftoi të martën sanksionet e zgjeruara, me anë të Kryeministrit Fumio Kishida.
Sanksionet synojnë më shumë se 130 persona, duke përfshirë Kryeministrin rus Mikhail Mishustin, zëvendës sekretarin e Këshillit të Sigurimit Rashid Nurgaliyev, udhëheqësit e Luhanskut dhe Donetskut, sanksione që parashikojnë ngrirje të aseteve.
Japonia vendosi gjithashtu sanksione shtesë të eksportit, duke zgjeruar listën e kompanive të prekura që ajo beson se janë të lidhura me industrinë e mbrojtjes.
Në listën e sanksioneve u shtuan 70 kompani duke përfshirë Almaz-Antey dhe korporatën e Armatimeve të Raketave Taktike.
Sanksionet e Japonisë kanë përfshirë deri më tani, më shumë se 700 shtetas të Rusisë, Bjellorusisë, Donetskut, Luhanskut dhe më shumë se 200 kompani dhe organizata ruse.
Japonia ka lëshuar edhe më parë disa paketa sanksionesh kundër Rusisë për shkak të situatës së luftës në Ukrainë.
Më 24 shkurt, Presidenti rus Vladimir Putin njoftoi nisjen e një operacioni special ushtarak në përgjigje të një kërkese për ndihmë nga krerët e republikave të Donbasit.
Perëndimi u hakmor duke vendosur sanksione ndaj Rusisë ndërsa kompanitë private pezulluan operacionet në vend ose ndërprenë investimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
