Ramush Haradinaj thotë se jetëgjatësia e kësaj qeveria me kryeministër Avdullah Hotin varet edhe nga presidenti. Në një intervistë për RTV Dukagjini, kryetari i Aleancës për Ardhmërinë e Kosovës, deklaron se me mbarimin e mandatit të presidentit edhe qeveria është në rrezik.
“Jetëgjatësia e kësaj qeveria varet edhe nga mandati i presidentit. Nëse ka befasi dhe konfirmohen aktakuzat neve na duhet kuorumi për ta zgjedhur presidentin. Një qeveri më e madhe me më shumë votë shqiptare është në interes të Kosovës. Nëse PDK dëshiron të japë kontributin e vet mund të bashkëpunojmë,”-deklaron fillimisht Haradinaj.
Më pas kreu i AAK-së lë hapësira për gjithçka. Ai thotë se mund të bashkëpunohet edhe me Lëvizjen Vetëvendosje të Albin Kurtit.
“Nuk është lehtë të bëhen 2/3 e kuorumit. Nuk besoj se në këtë kohë krizash duhet të mbyllen dyert edhe për Vetëvendosjen. Duhet të gjendjet një formulë për qeveri gjithë nacionale. Edhe dialogu është shumë i rëndësishme,”-shprehet Haradinaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
