Fieri është “stacioni” i radhës ku është ndalur sot ish-kryeministri Sali Berisha, në kuadër të zgjedhjeve për kryetar të PD-së. Berisha tha se interesi kombëtar është në rrezik të madh. Ai hoqi një paralele mes Ramës, Enver Hoxhës dhe Ramiz Alisë lidhur me deklaratat e fundit të Ramës mbi drejtimin që duhet të marrë vendi nëse nuk hapen negociatat për në BE deri në qershor.
Ish-kryetari i partisë shkelmoi statutin edhe ligjet, vullnetin e anëtarësisë. Mori vendime autokratike dhe anti-demokratike. Ngritja juaj në këmbë ishte një betejë kundër autokracisë, për të rivendosur normat demokratike. Ne u ngritëm së bashku kundër këtij arbitrariteti, kundër këtij ilegjitimiteti. Çdo gjë e bëmë bazuar në votën e lirë. Nëse s’do ishim parti e votës së lirë, do ishim fatkeqësi kombëtare për vendin. Arritëm një stacion. Arritëm me vështirësi sepse kishim kundër establishmentin dhe një pseudo-opozitë që u shndërrua në vegël të saj, procese gjyqësore etj. etj. Një mision më i madh dhe më i vështirë na pret përpara. Tani jemi një opozitë e vërtetë. Brenda 3-4 javësh kjo ka filluar të ndihet, në jetën politike dhe kudo. Një PD opozitë e vërtetë duhet të jetë një mjet për ta shpëtuar Shqipërinë nga kjo situatë, më e vështira. Nëse nuk qëndrojmë për të mbrojtur interesin kombëtar, ne shkojmë drejt shpërbërjes. Tre ditë më parë kryeministri i Shqipërisë në Bruksel deklaron se nëse do presim deri në qershor dhe s’na hapin negociatat, atëherë ne do konsiderojmë drejtimin e vendit, çfarë drejtimi do marrim. Gjeneratat e rritura në diktaturë nuk e harrojnë kur Ramiz Alia na thoshte që s’jemi as Lindje as Perëndim. Enver Hoxha thoshte që në aleancë me kinezët, era e Lindjes dominon mbi Perëndimin. Tani na del Edi Rama, po ku do shkojmë ne more zotëri, drejt Beogradit apo drejt Stambollit. Jo more zotëri, ne yll polar do kemi BE-në”.
Po ashtu Berisha e konsideroi një akt primitiv, akt vasiliteti dhe kundër interesit kombëtar votën kundër dënimit të gjenocidit serb në Bosnjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
