Analisti Preç Zogaj, duke komentuar në emisionin “Të Paekspozuarit” në MCN TV deklaratat e kryeministrit Edi Rama ndaj shoqatave të gjyqtarëve, të cilat kanë kërkuar rritje pagash, u shpreh se reagimet e kreut të qeverisë pasqyrojnë një frustrim të thellë ndaj sistemit të drejtësisë.
Sipas Zogajt, ky frustrim nuk është i ri, por ka nisur prej kohësh, në momentin kur gjyqësori filloi të dëshmonte pavarësi reale ndaj pushtetit ekzekutiv.
Rama është i frustruar në tërësi. Është pjesë e një frustrimi të përgjithshëm ndaj drejtësisë, e cila në disa plane ka filluar të tregojë pavarësi nga pushteti ekzekutiv.
I ka dalë nga duart për ato pjesë që ai mendonte se mund t’i kontrollonte.
Edhe retorika e kryeministrit për një krizë të përgjithshme të drejtësisë është arbitrare, pasi ajo përzien problematika reale me elementë që nuk kanë lidhje direkte mes tyre.
Kjo retorikë bën bashkë barin e njomur me të thatin dhe tani po tentojnë t’u vënë flakën të dyjave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
