Aksident me pasojë një të vdekur është regjistruar mesditën e sotme në aksin rrugor "Lushnjë-Berat".
Ngjarja ka ndodhur rreth orës 12:55, ku shtetasi Genci Ismaili, 54 vjeç, duke drejtuar automjetin, ka përplasur shtetasin Namik Halili, rreth 63 vjeç, këmbësor.
Si pasojë e dëmtimeve, shtetasi Namik Halili ka humbur jetën në vendngjarje. Shërbimet e Policisë shoqëruan drejtuesin e automjetit, Genci Ismaili, në Komisariat, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
