Të paktën tre oficerë policie u vranë dhe dhjetëra persona të tjerë u plagosën nga dy shpërthimet e ndodhura në kryeqytetin e Ugandës, Kampala, të martën në mëngjes, sipas një gazetari në vendngjarje.
Dy shpërthimet tronditën qendrën e qytetit brenda 30 minutash nga njëri-tjetri, sipas policisë.
Një shpërthim ka ndodhur pranë Komisariatit Qendror të Policisë dhe një tjetër pranë Parlamentit. Shkaku i shpërthimeve nuk është bërë menjëherë i qartë dhe asnjë grup nuk ka marrë përgjegjësinë.
Shpërthimi i parë ndodhi rreth orës 10 të mëngjesit me orën lokale në rrugën Buganda të Kampala-s, sipas gazetarit në vendngjarje.
Dr. Rose Byanyima, Zëvendës Drejtoresha Ekzekutive në Spitalin Kombëtar të Referimit Mulago, tha për CNN se spitali ka marrë 27 persona me lëndime të shumta nga shpërthimi në Stacionin Qendror të Policisë.
Ajo tha se të gjithë pacientët ishin oficerë policie, shtatë gra dhe 20 burra, si dhe 19 persona ishin në gjendje kritike.
Ministri i shtetit të Ugandës, Kabbyanga Godfrey Baluku Kiime, shkroi në Twitter për shpërthimin, duke thënë: "Ka pasur një shpërthim bombë në selinë e [Ministrisë së Teknologjisë së Informacionit dhe Komunikimit dhe Udhëzimit Kombëtar]. Të gjithë jemi të sigurt. Disa kolegë u lënduan nga xhamat e dritareve dhe mbeturinat."
Trafiku në Kampala është kufizuar pas shpërthimeve, me autoritetet që i kërkuan publikut të mbyllë bizneset dhe të largohet nga zona. Personeli i policisë dhe ushtrisë rrethoi rrugët përreth vendit të shpërthimit dhe vendosën disa ambulanca.
Imazhet në mediat sociale treguan disa njerëz të shtrirë në rrugë pranë hyrjes së Stacionit Qendror të Policisë dhe Gjykatës së Lartë të Kampala-s.
Në vendin, ku ndodhi shpërthimi i dytë, të gjitha rrugët janë rrethuar nga siguria, ku ligjvënësit dhe stafi i parlamentit janë evakuuar.
Muajin e kaluar, një shpërthim në Kampala vrau të paktën një person dhe plagosi disa të tjerë. Reuters raportoi se Shteti Islamik kishte marrë përgjegjësinë për atë shpërthim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
