Kreu i Partisë Demokratike, Lulzim Basha ka folur në lidhje me platformën e opozitës për daljen nga kriza ekonomike.
Kryedemokrati theksoi se vendi po kalon një situatë shumë të rëndë dhe nuk ka nevojë për retorikë politikë, pasi shqiptarët e ndjejnë darën e shtrëngimit ekonomik.
Sipas Bashës, kjo do të thotë se paratë e shqiptarëve, nuk po prodhojnë më për vendin, por për një grusht njerëzish. Kjo ndodh se ligji shkelet.
"A mund të pranojmë që mos të kemi para që të paguhen librat, a mund të pranojmë që të shkurtohet ndihma ekonomike për qytetarët, mund të pranojmë që pensioni rritet me ritme qesharake. Kemi një situatë të pa precedentë dhe duhet një reagim i pa precedentë. Ky ligj sekuestron paratë që janë shtënë në dorë nga këta oligarkë dhe makutë në mënyrë korruptive dhe sekuestron dhe paratë e politikanëve dhe vendos një standard për kontratat", tha Basha, gjatë intervistës për Eni Vasilin.
Beteja kundër oligarkëve është një nga nismat, për të cilën opozita ka gati një projekt-ligj, që sipas Bashës do të godasë të gjitha aferat korruptive të qeverisë dhe do të shpëtojë rreth 2.2 miliardë euro para të shqiptarëve.
Kjo platformë tha Basha, kërkon një vullnet politikë, kësaj qeverie nuk mund t’i besohet, pasi janë këta vetë që i kanë bërë këto shkelje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
