Me kërkesë të Komisionerit për Mbrojtjen e të Dhënave Personale është bllokuar faqja në internet “patronazhisti.com”, ku ishin publikuar të dhënat e siguruara nga database i Partisë Socialiste.
Faqja është bllokuar nga Autoriteti i Komunikimeve Elektronike për shkak se në atë faqe aksesoheshin të dhënat personale të qytetarëve.
Përdorimi i të dhënave personale nga partia në pushtet ngriti shqetësim në opinionin publik, por kryeministri Edi Rama tha se në databazë nuk kishte asnjë shkelje dhe falenderoi të ashtuquajturit patronazhistë për punën e bërë.
Por tashmë Komisioneri Publik shprehet për të kundërtën, duke ndaluar përdorimin e të dhënave personale të qytetarëve, të paktën në faqet në internet.
Ndërkohë Gjykata e Posaçme ka detyruar portalin Lapsi.al të dorëzojë databazën me të dhënat personale të 910 mijë qytetarëve të Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
