Shirat e rrëmbyeshëm dhe stuhitë kanë përfshirë Greqinë, duke shkaktuar dhe vdekjen e një personi.
Bëhet me dije se moti i keq ka nisur prej ditës së djeshme dhe se ka përfshirë kryesisht Volos-in në Magnisia, tha zëdhënësi i qeverisë, Yannis Artopios për televizionin publik Ert.
Sipas informacioneve të para viktima është marrë nga një përrua, ndërsa një bari në fshatin Agios Georgios, në të njëjtin rajon, sipas Yannis Artopios është zhdukur.
Departamenti i Magnisia dhe ishujt pranë Sporades janë në alarm të kuq, sipas shërbimeve të Mbrojtjes Civile.
Reshjet në Volos arritën në 200 mm dhe 516 mm në fshatin e afërt Zagora, që ndodhet rrëzë malit Pilion, sipas Shërbimit Kombëtar Meteorologjik, i cili këshilloi banorët e rajonit të kufizojnë lëvizjet e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
