Një vit pas tërmetit të Amatriçes në Itali, murgesha shqiptare Mariana rikthehet për të kujtuar motrat që humbën jetën nën rrënoja. Ajo është lutur për 239 viktimat e tërmetit shkatërrues që goditi kryesisht zonën e Ascolit.
“Hera e fundit që isha këtu ka qenë e premtja e shenjtë. Kam arritur ta kaloj paksa dhimbjen e asaj dite por në fund të fundit tërmeti është pranë pjesë e ditëve tona”, ka thënë ajo.
Motër Mariana ëshët shqiptare, edhe pse thotë se “Italia është shtëpia ime”. Ajo po studion për t’u bërë mësuese e fillores sepse siç thotë vetë, i adhuron fëmijët dhe do t’i ndihmojë që të kenë një të ardhme të mirë.
“Në Amatriçe kam parë mrekullinë e solidaritetit nga çdo cep. Tani është koha të shohim përpara e të punojmë për të ardhmen”, thotë ajo.
Murgesha shqiptare u bë fytyrë e njohur në të gjithë botën pasi një foto e saj ku shfaqej e përgjakur dhe më celularin në dorë u kthye në simbolin e fatkeqësisë natyrore të një viti më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
