Është mbyllur orari zyrtar i votimeve për zgjedhjet lokale në Shqipëri.
Qendrat e votimit u hapën në orën 07:00 dhe u mbyllën në orën 19:00. Megjithatë pati edhe zona ku kishte radhë të qytetarëve dhe procesi i votimit vijoi pas orës 19:00.
Nga të dhënat zyrtare të KQZ, deri në orën 18:00 pjesëmarrja në zgjedhje ka qenë 36.39 % në rang vendi.
Të dhënat janë marrë në 2662 qendra votimi nga 5213 në total.
Shqiptarët votuan sot për zgjedhjen e drejtuesve në 61 bashki të vendit.
Kujtojmë që gjatë procesit janë evidentuar probleme me pajisjet PEI të identifikimit elektronik dhe kreu i KQZ firmosi një urdhër për vijimin e procesit me identifikim manual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
