Pak javë më parë Taulant Balla u emërua ministër i Brendshëm, duke i zënë vendin Bledi Çuçit, ndërsa tashmë ky i fundit do të zërë vendin e tij. Në mbledhjen e sotme të Asamblesë Kombëtare të Partisë Socialiste, Bledi Çuçi u caktua kryetar i grupit parlamentar të Partisë Socialiste, duke zënë vendin e lënë bosh nga Taulant Balla. Një tjetër post që zëvendësohet është dhe ai i sekretarit të përgjithshëm të Partisë Socialiste, post i cili i është besuar Blendi Klosit, ndërkohë që deri më tani e ka mbajtur Damian Gjiknuri. Kjo mbledhje vjen për të diskutuar mbi vijimin e aksionit politik, por edhe për të bërë një analizë të qeverisjes. Ndërkohë në 28 dhe 29 korrik, Kryeministri Edi Rama do të mbledhë qeverinë në Tepelenë, takim i cili do të jetë informal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
