Zepishta: Kushtetuesja rrëzoi ligjin, por bizneseve u vijnë ende mesazhe për detyrimet e papaguara

<p>Eksperti kontabël, Igli Zepishta, thotë se pavarësisht se Gjykata Kushtetuese rrëzoi një javë më parë ligjin për tatimin e profesioneve të lirë, bizneseve vijojnë t’u vijnë njoftime për shlyerjen e detyrimeve. Në studion e MCN Economy, Zepishta theksoi se pas vendimit të gjykatës më të lartë të vendit është absurde të quhet detyrim tatimi i papaguar deri tani.</p> <blockquote> <p><em>Është në kundërshtim me Kushtetutën, sepse cenon sigurinë juridike. Ne e kemi kundërshtuar, sepse vinte në pabarazi personat fizikë. Një pjesë e tyre, të cilët qeveria i quajti të vetëpunësuar, kjo cenon barazinë. Këtu fillon pabarazia. Të tatosh në mënyra të ndryshme është pabarazi. </em></p> <p><em>Ligji kaloi siç ka kaluar. Ligji nuk mori vetëm atë që përcaktojnë ligje të tjera kush quhet profesion i lirë dhe kush shërbim profesional. Pra nuk u specifikua kush hynte nën veprimin e këtij ligji. Ashtu siç u bë ai ligj, ashtu edhe i erdhi fundi. </em></p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p><em>Fakti që administrata tatimore filloi të dërgojë mesazhe për pagimin e taksës, i bëri bizneset të reagojnë. Administrata vijon të dërgojë e-maile për pagesën e detyrimeve. Gjykata Kushtetuese e ka hedhur poshtë dhe nuk mund të mbetet si detyrim ajo që nuk është paguar. </em></p> <p><em>Kam raste plot që bizneset kanë paguar këstet e 3-mujorit dhe prapë u shkojnë njoftime “paguani këstin e mbetur”. Kanë nxjerrë një urdhër të brendshëm që të mos aplikohen penalitete. Ka një vendim ende jo të shkruar, që të mos aplikohen gjoba. Qeveria kishte nevojë për ca para. </em></p> </blockquote> <p>Sipas Zepishtës, raste si ai i ligjit të tatimit të profesioneve të lira cenojnë klimën e biznesit në Shqipëri.</p> <blockquote> <p><em>Çdokush që bën biznes në Shqipëri ka strategjitë e veta. Këtu ligjet ndryshojnë 2-3 herë në vit, saqë edhe vetë administrata tatimore e ka të vështirë të përshtatet. Kjo e bën të pamundur qasjen e bizneseve në raport me normat fiskale. </em></p> <p><em>Janë ligje të pastudiuara. Kjo qeveri të gjitha të ardhurat i mbledh nga taksat indirekte. Ligjet nuk mund ti bësh copa-copa. Ndrysho vit pas viti, janë ligje që po ti mbledhësh bashkë nuk kanë harmoni. </em></p> <p>&nbsp;</p> </blockquote> <p>&nbsp;</p>