Pas skadimit të ultimatumit, Irani nis zyrtarisht fazën e dytë të planit për reduktimin e detyrimeve që parashikon marrëveshja bërthamore e vitit 2015. Tashmë, pasurimi i uraniumit do të rritet në 5% nga 3.67% që parashikonte marrëveshja. Lajmin e kanë bërë të ditur zyrtarë të lartë të qeverisë iraniane.
Vendimi vjen në përfundim të ultimatumit 60-ditor që Irani u kishte vendosur vendeve europiane, partnere në marrëveshjen bërthamore. Afati për të shpëtuar marrëveshjen u caktua nga Irani si kohë e mjaftueshme për të marrë masa efektive që do të lehtësonin shtrëngimin e tregtisë të shkaktuar nga sanksionet amerikane.
Megjithatë, Irani do të vendosë 60 ditë të tjera si afat i ri për vendet evropiane dhe bisedimet do të vazhdojnë me BE për të përmbushur kërkesat e Teheranit. Republika Islamike u kërkon europianëve të nxisin instrumentin financiar të Insteks-it, i projektuar për të anashkaluar sanksionet amerikane dhe për të lejuar vijimin e shkëmbimeve ekonomike midis Evropës dhe Iranit - duke blerë naftë iraniane ose duke ofruar një linjë kredish për vendin.
Në përfundim të këtij afati të ri, Teherani kërcënon me një "fazë të tretë" në procesin e tejkalimit të marrëveshjes bërthamore 2015.
Kjo është theksuar nga zëvendësministri i Jashtëm, Abas Araghi, i cili në një konferencë shtypi është shprehur se Teherani do të tejkalojë kufijtë aktual të pasurimit të uraniumit. Po ashtu, Irani do të rrisë prodhimin e ujit të rëndë që tejkalon kufirin aktual të vendosur nga marrëveshja e vitit 2015. "Ne do të shtojmë pasurimin e uraniumit për të furnizuar më lëndë djegëse centralin tonë bërthamor dhe për momentin nuk kemi nevojë për karburant për reaktori i Teheranit ", është shprehur zëvendësministri iranian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
