Ish-ministri i Brendshëm i krahut të djathtë të Italisë, Matteo Salvini, ka dalë sot në gjyq i akuzuar për rrëmbim pasi refuzoi në vitin 2019 të lejonte një anije spanjolle shpëtimi emigrantësh të ankorohej në Siçili, duke i mbajtur njerëzit në bord për ditë të tëra.
Ky është gjyqi i parë që zhvillohet kundër Salvinit për veprimet e tij në parandalimin e zbarkimit të emigrantëve ndërsa shërbeu si ministër i Brendshëm në vitet 2018-2019 në një koalicion mes Lëvizjes populiste 5-Yje dhe Ligës së krahut të djathtë.
Salvini ishte i pranishëm në ditën e hapjes së gjyqit në Palermo, Siçili, i cili përfshinte kërkesa procedurale si listat e dëshmitarëve. Mes atyre që u thirrën është aktori amerikan Richard Gere, i cili vizitoi emigrantët në bordin e Open Arms pasi pa gjendjen e tyre gjatë një pushimi familjar në Itali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
