Ish-ministri i Brendshëm rus, gjeneralmajor Vladimir Makarov u gjet i vdekur në një periferi pranë Moskës, dyshohet i vetëvrarë, disa javë pasi u shkarkua nga posti i tij nga Presidenti Vladimir Putin.
Makarov, i cili më parë ka shërbyer si nënkryetar i Drejtorisë kryesore për Luftimin e Ekstremizmit dhe ishte i njohur për shtypjen e disidencës, u gjet i vdekur me një plagë të vetëshkaktuar me armë zjarri në kokë.
Pas shkarkimit të tij të papritur të raportuar muajin e kaluar, Makarov kishte rënë në një “depresion të thellë” dhe nuk dinte si të vazhdonte me karrierën e tij pas një shërbimi ushtarak të gjatë, thanë të afërmit.
Makarov është i fundit i një vargu vetëvrasjesh misterioze të lidhura me Vladimir Putinin dhe regjimin e tij.
Politikani dhe biznesmeni rus Pavel Antov u gjet i vdekur jashtë një hoteli në Indinë lindore në dhjetor pasi u raportua se ra nga dritarja. Më parë ai kishte kritikuar më parë sulmet ruse në Kiev si “terrorizëm”.
Zyrtari rus i energjisë Ivan Pechorin, 39 vjeç, u shpall i vdekur në shtator pasi ra në det ndërsa lundronte në brigjet e ishullit Russky në Detin e Japonisë, raportuan mediat ruse.
Më 1 shtator, Ravil Maganov, 67 vjeç, nënkryetar i kompanisë ruse të naftës Lukoil, vdiq si pasojë e një rënie të dyshuar nga dritarja e një spitali në Moskë.
Biznesmeni letono-amerikan dhe kritiku i njohur i Putinit, Dan K. Rapoport thuhet se u hodh për vdekje nga dritarja e banesës së tij në Uashington në gusht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
